Olivier de MAGNY (1529-1561)
J’ai dit cent fois, PASCHAL…
Le Préam­bule des
innom­brables
Les Soupirs,
Paris, Vincent Sertenas, 1557.
ouvrir sur Gallica : sonnet XLVIII, f° 17v°.

I’ay dict cent fois, PASCAL, & le veulx dire encore,
Que plustost l’Ocean sans eaux demourera,
L’aigneau parmy les loups plustost s’asseurera,
Et sans fleurs en Apuril seront Zephire & Flore.

Plustost d’eau de mon Loth blanchira lon vn More,
Et contremont plustost son cours retournera,
Et l’Aurore au matin en Occident sera,
Et le Soleil au soir où se leue l’Aurore:

Que ce traistre Bastard de meschance remply,
Face oeuure qui ne soit en malice acomply,
Veuf de grace & d’honneur, & de rude pointure:

Et pourra ce grand Tout se faire vn petit rien,
Plustost que ie le cele, & que ie vueille bien
A ce traistre Bastard de peruerse nature.

On peut cliquer sur certains mots pour voir les épithètes de Maurice de La Porte
 
 

I’ay dict cent fois, PASCAL, & le veulx dire encore,
Que pluſtoſt l’Ocean ſans eaux demourera,
L’aigneau parmy les loups pluſtoſt s’aſſeurera,
Et ſans fleurs en Apuril ſeront Zephire & Flore.

Pluſtoſt d’eau de mon Loth blanchira lon vn More,
Et contremont pluſtoſt ſon cours retournera,
Et l’Aurore au matin en Occident ſera,
Et le Soleil au ſoir où ſe leue l’Aurore:

Que ce traiſtre Baſtard de meſchance remply,
Face oeuure qui ne ſoit en malice acomply,
Veuf de grace & d’honneur, & de rude pointure:

Et pourra ce grand Tout ſe faire vn petit rien,
Pluſtoſt que ie le cele, & que ie vueille bien
A ce traiſtre Bastard de peruerſe nature.

 

En ligne le 24/10/07.
Dernière révision le 04/10/25.