Clovis HESTEAU (?-?)
Toujours de Jupiter…
Le Préam­bule des
innom­brables
Les Œuvres poétiques,
Paris, Abel L’Angelier, 1578.
ouvrir sur Gallica : Livre second, Amours, XCIX, f° 57v°.

Tousiours de Iupiter le foudroyant tonnerre,
N’escorne estincelant les Rocs fermeplantez:
Tousiours des monts bruslans les gosiers esuentez,
N’emplissent l’air de flame & de cendre la Terre:

Tousiours l’Austre mutin les grands sapins n’atterre,
Tousiours des flots hideux les Cieux ne sont hantez,
Et tousiours des mortels les cueurs espouuentez,
Ne fremissent au choc qu’vn orage desserre:

Tousiours l’alme Soleil loing de noz yeux ne luit,
Tousiours nous ne voyons les horreurs de la nuict,
Et tousiours les enfers ne s’agrauent d’encombres:

Tout change quelquefois dessous le firmament,
Le calme suit l’orage & la clairté les ombres,
Mais mon mal-heureux sort dure eternellement.

On peut cliquer sur certains mots pour voir les épithètes de Maurice de La Porte
 
 

Touſiours de Iupiter le foudroyant tonnerre,
N’eſcorne eſtincelant les Rocs fermeplantez:
Touſiours des monts bruſlans les goſiers eſuentez,
N’empliſſent l’air de flame & de cendre la Terre:

Touſiours l’Auſtre mutin les grands ſapins n’atterre,
Touſiours des flots hideux les Cieux ne ſont hantez,
Et touſiours des mortels les cueurs eſpouuentez,
Ne fremiſſent au choc qu’vn orage deſſerre:

Touſiours l’alme Soleil loing de noz yeux ne luit,
Touſiours nous ne voyons les horreurs de la nuict,
Et touſiours les enfers ne ſ’agrauent d’encombres:

Tout change quelquefois deſſous le firmament,
Le calme ſuit l’orage & la clairté les ombres,
Mais mon mal-heureux ſort dure eternellement.

 

En ligne le 25/02/06.
Dernière révision le 19/09/24.