«««

textes de
Las­phrise

»»»

«««

anti­thèses
accu­mu­lées
(vers 1-6)

»»»

IE pense en toute chose, & si ne pense en rien,

I’ay mille tourbillons, qui tonnent pesle-mesle,
I’ay le froid, i’ay le chaud, pluye, esclair, neige, gresle,
I’ay coup sur coup chez moy, & le mal, & le bien.

I’aspire vne Déesse, & si suis terrien,
(Ce dy-ie quelquesfois lors que l’ardeur me gelle)
Puis fureur sur fureur, promptement me martelle,
Disant que malgré tous son honneur sera mien.

A pas longs, & tardifs, quand Phœbus se retire,
Ie vay audacieux déplorer mon martire,
A quelque belle Echo ie requiers mes douleurs.

I’entrelasse noz noms, ie fay quelque deuise,
Ie chante, cifle & ris, desesperé ie meurs,
D’Amour ( Rochebaron) mon ame Rolendise.

Son­net

→ texte
moder­nisé

pleine page

œuvres de
Las­phrise
dispo­nibles
sur Gallica

télé­charger
le texte

En ligne le 18/12/12.
Dernière révision le 29/06/21.