«««

textes de
Jo­delle

»»»

«««

vers
rap­por­tés
(14 / 14)

»»»

Ie ne crains pas que Dieu, le sçauoir, la vertu,
Laissent vaincre Satan, l’ignorance, & le vice,
Ny qu’en tout soit l’estat, le repos, la police,
Par faux suiets, par trouble, & desordre abbatu:

Que ce qui stable estoit, grand, & bon, combatu
Soit par legereté, petitesse, & malice:
Que de l’habit du bien, de simplesse, & iustice,
Le mal, le dol, le tort, soit long temps reuestu:

Mais ie crains qu’vn desastre, & honte, & playe cede
(O Dieu!) trop tard à l’heur, à l’honneur, au remede,
Quand le rebelle (ô Dieu!) l’heretic, l’estranger,

Auront mangé mon Roy, mon Eglise, & ma France.
Haste nous donc le iour, le sens, l’obeissance,
Pour de leur nuict, furie, & mépris nous venger.

Son­net

→ texte
moder­nisé

pleine page

œuvres de
Jo­delle
dispo­nibles
sur Gallica

télé­charger
le texte

En ligne le 16/06/10.
Dernière révision le 14/01/23.