Medee. Col­chide, sor­ciere, im­pu­dique, exe­crable, fra­tri­cide, in­hu­maine, tu-enfant, cou­ra­geuse, fuiarde, ia­so­nienne, cruelle, mes­chante, in­sen­see, char­me­resse, ma­gi­cienne, for­ce­nee, em­poi­son­neuse ou em­poi­son­ne­resse, fu­ri­bonde, hor­rible, an­cienne, ma­li­tieuse, van­ge­resse, bar­bare, en­ne­mie des cieux, meur­triere, im­pi­toiable, fu­reur des hauts dieux, esche­ue­lee, æe­tienne, tur­bu­lente, en­chan­te­resse, fu­gi­tiue, dom­ma­geable, sub­tile, mal­heu­reuse.

Medee fille d’Æete roi de Colches esper­due­ment rauie de Iason, lui don­na les moiens, pour faci­le­ment recou­urer la toi­son d’or, qui estoit gar­dee iour & nuit par le dra­gon non-dormant : Cela fait elle s’enfuit auec son amou­reus en Grece, & voiant que son pere la pour­sui­uoit, elle des­mem­bra son frere Absyrte, & en espan­dit les pieces par le che­min, afin qu’il s’amu­sast à les ramas­ser : Depuis repu­diee par Iason, tua les deux enfans qu’elle auoit eus de lui, & fit par ses enchan­te­mens, que Glauque fille du roi Creon, la­quelle Iason auoit espou­see en secondes nopces, fut bru­lee toute viue, auec son pere qui la pen­soit secou­rir, ensemble le palais roial: Iason aussi outré de dou­leur soi-mesme se don­na la mort.

Maurice de LA PORTE, Les Epithetes, 1571,
f° 161v° [Gallica, NUMM-50715, PDF_329]
(texte original).

[Medean [+medæan] /-anne. Charme, fu­reur, Pe­ruse, poi­son, sor­ciere, ve­nin.]

[Voir aussi Arge­nau­chiers ou Ar­go­nautes et Alcine, Circe.]