Pierre TAMISIER (1541-1591)
De Dieu, du Ciel, des mœurs…
Le Préam­bule des
innom­brables
Scévole de Sainte-Marthe, Les premières Œuvres,
Paris, Federic Morel, 1569.
ouvrir sur Gallica : pages finales, Sonnets, f° 120r°.

De Dieu, du Ciel, des meurs, de vertu, de Nature,
L’honneur, le cours, la loy, le chemin, le secret,
Reluit, se voit, s’apprent, se descouure, est extrait,
En ce beau zodiac digne de la lecture.

Palingene echauffé d’vne ardeur saincte & pure
Premier en vers Latins en dressa le portrait,
Et Saincte-Marthe apres suyuant le mesme trait,
L’a voulu embellir de Françoise painture.

L’Athee, l’Astronome, & l’homme depraué,
Le peruers, l’Epicure, y peut voir engraué,
Sa faute, son abus, son mal, vice, & follie:

Qui faict que Palingene, & Saincte-Marthe autheurs,
Tant qu’il sera parlé de Dieu, du Ciel, des meurs,
De Vertu, & Nature, auront loüange & vie.

On peut cliquer sur certains mots pour voir les épithètes de Maurice de La Porte
 
 

De Dieu, du Ciel, des meurs, de vertu, de Nature,
L’honneur, le cours, la loy, le chemin, le ſecret,
Reluit, ſe voit, ſ’apprent, ſe deſcouure, eſt extrait,
En ce beau zodiac digne de la lecture.

Palingene echauffé d’vne ardeur ſaincte & pure
Premier en vers Latins en dreſſa le portrait,
Et Saincte-Marthe apres ſuyuant le meſme trait,
L’a voulu embellir de Françoiſe painture.

L’Athee, l’Aſtronome, & l’homme depraué,
Le peruers, l’Epicure, y peut voir engraué,
Sa faute, ſon abus, ſon mal, vice, & follie:

Qui faict que Palingene, & Saincte-Marthe autheurs,
Tant qu’il ſera parlé de Dieu, du Ciel, des meurs,
De Vertu, & Nature, auront loüange & vie.

 

En ligne le 22/02/22.
Dernière révision le 18/12/24.