François SCALION de VIRBLUNEAU (?-?)
Entre la crainte…
Le Préam­bule des
innom­brables
Les loyales et pudiques Amours,
Paris, Jamet Mettayer, 1599.
ouvrir sur Gallica : Le premier livre, sonnet XLIII, f° 11v°.

Entre la crainte & l’espoir ie poursuis,
Ie tais mon mal & si ie le declare,
Tantost vn feu, tantost glace ie suis,
Ie congnoy tout & si ie suis ignare:

Ie suis facille & neantmoins barbare,
I’affame dueil & nourry mes ennuis,
Frappé du coup, d’iceluy ie me pare,
Et trouue Amour quand de luy ie m’enfuis:

Rien ne me plaist que la contrition,
Mon cœur glacé brusle d’affection,
Mon mal se passe & soudain renouuelle,

Vn Ixion suis en aduersité,
Libre ie vis en ma captiuité,
Soubmis aux loix de vous ma Damoiselle.

On peut cliquer sur certains mots pour voir les épithètes de Maurice de La Porte
 
 

Entre la crainte & l’eſpoir ie pourſuis,
Ie tais mon mal & ſi ie le declare,
Tantoſt vn feu, tantoſt glace ie ſuis,
Ie congnoy tout & ſi ie ſuis ignare:

Ie ſuis facille & neantmoins barbare,
I’affame dueil & nourry mes ennuis,
Frappé du coup, d’iceluy ie me pare,
Et trouue Amour quand de luy ie m’enfuis:

Rien ne me plaiſt que la contrition,
Mon cœur glacé bruſle d’affection,
Mon mal ſe paſſe & ſoudain renouuelle,

Vn Ixion ſuis en aduerſité,
Libre ie vis en ma captiuité,
Soubmis aux loix de vous ma Damoiſelle.

 

En ligne le 10/05/25.
Dernière révision le 10/05/25.