«««

textes de
Ron­sard

»»»

«««

dispo­si­tion de la
recol­lec­tion
(vers 1-8 → 12-14)

»»»

Ciel, air, & vents, plains, & montz descouuers,
Tertres fourchuz, & forestz verdoyantes,
Riuages tortz, & sources ondoyantes,
Tailliz razez, & vous bocages verds,

Antres moussus a demyfront ouuers,
Prez, boutons, fleurs, & herbes rousoyantes,
Coustaux vineux, & plages blondoyantes,
Gastine, Loyr, & vous mes tristes vers:

Puis qu’au partir, rongé de soing & d’ire,
A ce bel œil, l’Adieu ie n’ay sceu dire,
Qui pres & loing me detient en esmoy:

Ie vous supply, Ciel, air, ventz, montz, & plaines,
Taillis, forestz, riuages & fontaines,
Antres, prez, fleurs, dictes le luy pour moy.

Son­net

→ texte
moder­nisé

pleine page

œuvres de
Ron­sard
dispo­nibles
sur Gallica

télé­charger
le texte

commen­taires
de Muret (1553)

variantes

→ invo­ca­tion
à la nature

En ligne le 20/05/25.
Dernière révision le 20/05/25.