«««

textes de
Ron­sard

»»»

«««

»»»

»»»

Petit nombril, que mon penser adore,
Non pas mon œil, qui n’eut onques ce bien,
Nombril de qui l’honneur merite bien,
Qu’vne grand’ ville on luy bastisse encore.

Signe diuin, qui diuinement ore
Retiens encor l’Androgyne lien,
Combien & toy, mon mignon, & combien
Tes flancz iumeaulx follastrement i’honore.

Ny ce beau chef, ny ces yeulx, ny ce front,
Ny ce doulx ris, ny ceste main qui fond
Mon cuœur en source, & de pleurs me fait riche:

Ne me sçauroyent de leur beau contenter,
Sans esperer quelque foys de taster
Ton paradis, ou mon plaisir se niche.

Son­net

→ texte
moder­nisé

pleine page

œuvres de
Ron­sard
dispo­nibles
sur Gallica

télé­charger
le texte

commen­taires
de Muret (1553)

variantes

En ligne le 27/04/17.
Dernière révision le 02/02/25.