Clément MAROT (1496-1544)
Le premier jour… (Canz., 346)
Le Préam­bule des
innom­brables
Six Sonnets de Pétrarque,
Paris, Gilles Corrozet, 1539 ?
ouvrir sur Gallica : sonnet 5, « Li angeli electi… », f° 3v°.

Le premier iour que trespassa la belle,
Les purs espritz, les anges precieux,
Sainctes & sainctz, citoiens des haultz cieulx,
Tous esbahis uindrent a l’entour d’elle.

Quelle clarte, quelle beaulte nouuelle,
(Ce disoient ilz) apparoist a noz yeulx?
Nous n’auons ueu du monde uicieux,
Monter ca hault encor une ame telle.

Elle contente auoir change demeure,
Se parangonne aux anges d’heure a heure
Puis coup a coup derriere soy regarde,

Si ie la suy: il semble qu’elle attend,
Dont mon desir ailleurs qu’au ciel ne tend,
Car ie l’oy bien crier que trop ie tarde.

On peut cliquer sur certains mots pour voir les épithètes de Maurice de La Porte
 
 

Le premier iour que treſpaſſa la belle,
Les purs eſpritz, les anges precieux,
Sainctes & ſainctz, citoiens des haultz cieulx,
Tous esbahis uindrent a l’entour d’elle.

Quelle clarte, quelle beaulte nouuelle,
(Ce diſoiẽt ilz) apparoiſt a noz yeulx?
Nous n’auons ueu du monde uicieux,
Monter ca hault encor une ame telle.

Elle contente auoir change demeure,
Se parãgõne aux ãges d’heure a heure
Puis coup a coup derriere ſoy regarde,

Si ie la ſuy: il ſemble qu’elle attend,
Dõt mõ deſir ailleurs qu’au ciel ne tẽd,
Car ie l’oy biẽ crier que trop ie tarde.

 

En ligne le 26/06/26.
Dernière révision le 26/06/26.