«««

textes de
La Jessée

»»»

«««

dispo­si­tion de la
recol­lec­tion
(vers 1-11 → 13-14)

»»»

Qvand ce facheus Heros, ce superbe Æsonide,
Gaigna le Belier d’or, il fit trop méchament
Lors qu’ingrat à sa Dame il faussa son serment :
Et lache diffama le champ Grec, & Colchide.

Quand ce fin Athenois, ce desdaigneus Ægide,
Tua l’Homme-toreau, fier Monstre vehemant,
Il trompa sa Maistresse : & comme vn faus Amant
L’abandonna sans garde, & sans ayde, & sans guide.

Quand ce Troyen banny, ce Duc mal renommé,
Fit semblant d’aymer moins, lors qu’il fut plus aymé :
En traistre il delaissa sa Royne forçenée.

Moy ie montre comment sans dol, sans prix, sans don,
Si tu n’es point Medée, Arïadne, Didon,
Ie ne seray Iason, ni Thesé, ni Ænée.

Son­net

→ texte
moder­nisé

pleine page

œuvres de
La Jessée
dispo­nibles
sur Gallica

télé­charger
le texte

→ vers
rappor­tés

En ligne le 10/04/22.
Dernière révision le 20/10/23.