Guy Le Fèvre de LA BODERIE (1541-1598)
Quand ma mère en ses flancs…
Le Préam­bule des
innom­brables
Diverses Mélanges poétiques,
Paris, Robert Le Mangnier, 1582.
ouvrir sur Gallica : «Épitaphe d’un Hermaphrodite, pris du latin», f° 45r°v°.

QVand ma mere en ses flancs fort grosse me portoit
Elle s’enquist aux Dieux quel Enfant y estoit,
Vn Filz, luy dist Phebus, ains dist Mars vne Fille,
Ainçois ny l’vn, ny l’autre, à dit Iunon subtile:
Or auint que naissant à mon terme prefix
Hermaphrodite fus ensemble Fille & Filz.

Ma mere s’enquérant auec non moindre enuie
Aussi bien de ma mort qu’elle auoit de ma vie
Par armes perira, dist Iunon, ains pendu
Sera plustost, dist Mars, ainçois aux eaux rendu
Se noyera, dist Phebus, or’ voulut lauenture
Que le sort d’vn chaſcun fust veritable augure.

Vn arbre ombroit les eaux. I’y monte, estant monté
Me tombe mon espee estant à mon costé.

Ie tombe apres dessus, aux branches mon pied reste,
Et au fleuue coulant se va plongeant ma teste,
Ainsi ie remportay fille, filz, ou tous deux
Mort des armes, des eaux, & du gibet hideux.

On peut cliquer sur certains mots pour voir les épithètes de Maurice de La Porte
 
 

QVand ma mere en ſes flancs fort groſſe me portoit
Elle ſ’enquiſt aux Dieux quel Enfant y eſtoit,
Vn Filz, luy diſt Phebus, ains diſt Mars vne Fille,
Ainçois ny l’vn, ny l’autre, à dit Iunon ſubtile:
Or auint que naiſſant à mon terme prefix
Hermaphrodite fus enſemble Fille & Filz.

Ma mere ſ’enquérant auec non moindre enuie
Außi bien de ma mort qu’elle auoit de ma vie
Par armes perira, diſt Iunon, ains pendu
Sera pluſtoſt, diſt Mars, ainçois aux eaux rendu
Se noyera, diſt Phebus, or’ voulut lauenture
Que le ſort d’vn chaſcun fuſt veritable augure.

Vn arbre ombroit les eaux. I’y monte, eſtant monté
Me tombe mon espee eſtant à mon coſté.

Ie tombe apres deſſus, aux branches mon pied reſte,
Et au fleuue coulant ſe va plongeant ma teſte,
Ainſi ie remportay fille, filz, ou tous deux
Mort des armes, des eaux, & du gibet hideux.

 

En ligne le 04/10/24.
Dernière révision le 04/10/24.