Nicolas ELLAIN (?-1621)
L’amitié libre…
Le Préam­bule des
innom­brables
Les Sonnets,
Paris, Vincent Sertenas, 1561.
ouvrir sur Gallica : Le premier Livre des Sonnets, f° 11r°.

L’amitié libre, & l’amitié contraincte,
Le doulx plaisir, le mescontentement,
Le desplaisir, le doulx contentement,
Le ris non feinct, & la douleur non feincte,

Le ris, le pleur, la ioye, la complaincte,
Le bien, le mal, le repos, le tourment,
Le grief souspir, le doulx allegement,
L’heur, le malheur, la seureté, la crainte,

Le bel accueil, le refus, la doulceur,
La cruaulté, l’amour, & la rigueur,
L’amitié saincte, & la haine cruelle,

Le cœur couard, le courage hautain,
L’espoir doubteux, le desespoir certain,
Me font, Cointret, guerre continuelle.

On peut cliquer sur certains mots pour voir les épithètes de Maurice de La Porte
 
 

L’amitié libre, & l’amitié contraincte,
Le doulx plaiſir, le meſcontentement,
Le deſplaiſir, le doulx contentement,
Le ris non feinct, & la douleur non feincte,

Le ris, le pleur, la ioye, la complaincte,
Le bien, le mal, le repos, le tourment,
Le grief ſouſpir, le doulx allegement,
L’heur, le malheur, la ſeureté, la crainte,

Le bel accueil, le refus, la doulceur,
La cruaulté, l’amour, & la rigueur,
L’amitié ſaincte, & la haine cruelle,

Le cœur couard, le courage hautain,
L’eſpoir doubteux, le deſeſpoir certain,
Me font, Cointret, guerre continuelle.

 

En ligne le 16/09/09.
Dernière révision le 12/09/26.