«««

textes de
Du Pré

«««

»»»

Rien n’est veu permanent, toute chose se passe,
Tous nos faicts en la fin sont du temps deuorez:
Les palais somptueux, & les sceptres dorez,
Le chenu rauisseur les destruit & les casse.

La terre tramble au bruit de sa seule menace,
Le soleil en a peur, & les cieux honorez,
Les mauzoles pompeux en sont veus atterrez,
Et le siecle plus vieil congnoist bien son audace.

Si doncques il permet à la mere Nature,
Que quelque beau signal luy demeure & luy dure,
Vostre Nom immortel puisse vaincre les ans,

Les palais somptueux, & les sceptres qu’on dore,
Le soleil & la terre, & les cieux qu’on honore,
Les Mauzoles pompeux, & la rage du Tans.

Son­net

→ texte
moder­nisé

pleine page

œuvres de
Du Pré
dispo­nibles
sur Gallica

télé­charger
le texte

→ recol­lec­tion

En ligne le 22/04/08.
Dernière révision le 01/09/21.