Marin LE SAULX (?-?)
La chair et le péché…
Le Préam­bule des
innom­brables
Théanthropo­gamie,
Londres, Thomas Vautrolier, 1577.
ouvrir sur Gallica : sonnet 9, p. 44.

LA chair & le peché, la Loy auec l’Enfer
Me chatouille, me poind, m’espouuante, & me geine
D’vn desir, d’vn remors, d’vne horreur, d’vne peine
Qui suit, qui fuit, qui craind, & qui peut estouffer

Peché, la Loy, la mort, la chair qui triompher
Pouuoit sans le peché sur la Loy vuide & vaine:
Le vil peché regnant arme la Loy qui traine
La mort qui me meurtrit de son meurtrissant fer:

Mais Iesus chasse-mal, & peché l’infidelle,
Pour ma chair, en sa chair, de chair, sans chair rebelle
A desarmé la Loy de force & de vigueur,

Puis noyant dans son sang le meurtrier de ma vie,
Le peché qui mortel auoit sur moy enuie,
Il m’asseure en domtant des enfers la rigueur.

On peut cliquer sur certains mots pour voir les épithètes de Maurice de La Porte
 
 

LA chair & le peché, la Loy auec l’Enfer
Me chatouille, me poind, m’eſpouuante, & me geine
D’vn deſir, d’vn remors, d’vne horreur, d’vne peine
Qui ſuit, qui fuit, qui craind, & qui peut eſtouffer

Peché, la Loy, la mort, la chair qui triompher
Pouuoit ſans le peché ſur la Loy vuide & vaine:
Le vil peché regnant arme la Loy qui traine
La mort qui me meurtrit de ſon meurtriſſant fer:

Mais Ieſus chaſſe-mal, & peché l’infidelle,
Pour ma chair, en ſa chair, de chair, ſans chair rebelle
A deſarmé la Loy de force & de vigueur,

Puis noyant dãs ſon sang le meurtrier de ma vie,
Le peché qui mortel auoit ſur moy enuie,
Il m’aſſeure en domtant des enfers la rigueur.

 

En ligne le 29/04/05.
Dernière révision le 07/01/24.