«««

textes de
Cornu

»»»

«««

»»»

»»»

Mon Dieu le beau teton, mon tout, ma doucellette,
Que ie voy aparoir par dessous ton collet:
Il souspire tousiours, las qu’il est rondelet,
Et garni par dessus d’vne peau blanchelette.

Laisse le moy toucher, ma petite garcette,
Laisse [moy] luy donner vn baiser doucelet,
Eh bon Dieu quel plaisir! il est si ioliet
Que ie ne vis iamais charnure si parfaitte.

Or sus baille le moy, ie le veux mignotter,
Ie le veux manier, ie le veux succotter,
Pour en sucrer le bout de ma langue rauie.

Vaten, retire le, ie suis tant apasté,
Ie suis tant esblouy, pour l’auoir succotté,
Que de trop de douceur, ie sens couler ma vie.

Son­net

→ texte
moder­nisé

pleine page

œuvres de
Cornu
dispo­nibles
sur Gallica

télé­charger
le texte

En ligne le 10/10/17.
Dernière révision le 17/12/22.