«««

textes de
Sponde

»»»

«««

vers
rappor­tés
(10 / 14)

»»»

Tout s’enfle contre moy, tout m’assaut, tout me tente,
Et le Monde, & la Chair, & l’Ange reuolté,
Dont l’onde, dont l’effort, dont le charme inuenté,
Et m’abysme, Seigneur, & m’esbranle, & m’enchante,

Quelle nef, quel appuy, quelle oreille dormante,
Sans peril, sans tomber, & sans estre enchanté,
Me donras-tu? Ton Temple ou vit ta Saincteté,
Ton inuincible main, & ta voix si constante.

Et quoy? mon Dieu, ie sens combattre maintesfois
Encore auec ton Temple, & ta main, & ta voix,
Cest Ange reuolté, ceste chair, & ce Monde.

Mais ton Temple pourtant, ta main, ta voix sera
La nef, l’appuy, l’oreille, ou ce charme perdra,
Ou mourra cest effort, ou se rompra ceste Onde.

Son­net

→ texte
moder­nisé

pleine page

œuvres de
Sponde
dispo­nibles
sur Gallica

télé­charger
le texte

→ compa­rai­son
avec Mage de Fiefmelin

En ligne le 27/04/10.
Dernière révision le 05/11/23.