Étienne PASQUIER (1529-1615)
Ô tête heureuse…
Paris, Vincent Sertenas, 1555.
ouvrir sur Gallica : Sonnets, ff. 21v°-22r°.

O teste heureuse ou gist si grand cerueau,
O langue heureuse ou croist ceste faconde,
O nez heureux dans qui ce musq’ abonde,
O yeux heureux ou gist ce clair flambeau,

O toy heureuse & trop heureuse peau
Qui as dans toy tout le plus beau du monde,
O piez heureux qui par la terre ronde
Portez sur vous vn si digne fardeau,

O vous heureux tetins, lieu sauoureux,
Par ou liqueur si souefue est passée
Qu’on en bruira par tout à l’auenir,

Mais toy heureux, cors heureux des heureux,
Qui dedans toy tiens ceste ame enchassée
Que l’vniuers ne sçauroit contenir.

On peut cliquer sur certains mots pour voir les épithètes de Maurice de La Porte
 
 

O teſte heureuſe ou giſt ſi grand cerueau,
O langue heureuſe ou croiſt ceſte faconde,
O nez heureux dans qui ce muſq abonde,
O yeux heureux ou giſt ce clair flambeau,

O toy heureuſe & trop heureuſe peau
Qui as dans toy tout le plus beau du monde,
O piez heureux qui par la terre ronde
Portez ſur vous vn ſi digne fardeau,

O vous heureux tetins, lieu ſauoureux,
Par ou liqueur ſi ſouefue est paßée
Quon en bruira par tout à lauenir,

Mais toy heureux, cors heureux des heureux,
Qui dedans toy tiens ceſte ame enchaßée
Que lvniuers ne ſçauroit contenir.

 

En ligne le 02/09/25.
Dernière révision le 02/09/25.