«««

textes de
Tyard

»»»

«««

»»»

Heureux le moys, heureuse la iournee,
Heureuse l’heure, & heureux le moment,
Heureux le siecle, heureux le firmament,
Souz qui ma Dame heureusement fut nee.

Heureuse soit l’heureuse destinee,
De l’astre heureux, lequel heureusement
Faisoit ce iour son heureux mouuement,
Sur toute estoille en bon aspect tournee.

Heureux ce monde auquel elle seiourne,
Et le Soleil, qui autour d’elle tourne,
En s’eclipsant à l’obiect de sa veüe.

Moy malheureux en mon affection,
Qui n’esiouis ma triste passion,
La congnoissant de si grand heur pourueüe.

Son­net

→ texte
moder­nisé

pleine page

œuvres de
Tyard
dispo­nibles
sur Gallica

télé­charger
le texte

En ligne le 24/10/05,
versé dans l’anthologie principale le 30/03/14.
Dernière révision le 16/05/20.