«««

textes de
Forca­del

»»»

VN cler soleil vy dens vne nacelle,
Qui oultre mer douze estoilles passoit,
Et bien autant de dames y reçoit,
C’estoit la nef du monde la plus belle:
A dire vray, Iason ne leut pas telle,
Quand la toyson dorée pourchassoit.
Ny le berger, qui sa Troye deçoit.
Bien que ces deux ont louenge eternelle.

Ie vy apres, vn chariot branslant,
En plein chemin sur ses roues volant,
Où Laura sied: ô vision mondaine!
Elle chantoit vn celeste & cler ton,
Ie dy heureux, le Nocher & Carton,
Qui ont conduit ma seule souueraine.

Son­net

→ texte
moder­nisé

pleine page

œuvres de
Forca­del
dispo­nibles
sur Gallica

télé­charger
le texte

En ligne le 18/04/18.
Dernière révision le 12/10/20.