«««

textes de
Jo­delle

»»»

«««

vers
rappor­tés
(3 / 14)

»»»

Ne les a ton peu donc decouurir? au moins ceux
Qui à leur gloire sote & sanglante pretendent,
Et vrais Pythons enflez d’vn ord venin se rendent
Comme vn Sphinx aguettans par leurs propos douteux,

Et qui souillans de christ le sainct banquet entre eux,
Sont Harpyes, qui or’ pour nous piller se bandent,
Qui leur baue infernale en Cerberes espandent,
En Chimeres se font & cruels & hideux,

Qu’vn Phœbus, vn Oedipe, vn Zetes, vn Alcide,
Vn prompt Bellerophon en puisse estre homicide
Ou domteur, ie ne veux les plus simples blesser:

Mais les felons qu’on voit pour nous mettre en misere,
D’enfleure, aguet, rauage, escume, horreur, passer
Tout Python, Sphinx, Harpye, & Cerbere, & Chimere.

Son­net

→ texte
moder­nisé

pleine page

œuvres de
Jo­delle
dispo­nibles
sur Gallica

télé­charger
le texte

→ corré­la­tion
et recol­lec­tion

En ligne le 30/05/10.
Dernière révision le 27/09/25.