Simon GOULART (1543-1628)
Laisse-moi mon Seigneur…

«««

textes de
Gou­lart

 


«««

dispo­si­tion de la
recol­lec­tion
(vers 1-6 → 11)

»»»


 

 

Laisse moy mon Seigneur: non, ne me laisse pas,
Ains parle à mon esprit qui desire te suiure.
Non, ne me sonne mot ; ains ta main me deliure,
Et iusques au tombeau guide tousiours mes pas.

Non, ne me guide point ; ains m’empoigne en tes bras
Pour m’esleuer à toy, de la terre deliure.
Non, ne m’esleue point, car ie desire viure,
Et t’honnorer encor : differe mon trespas.

Non ne differe point ; preuien moy de bonne heure.
Et soit que mort ie viue, ou que viuant ie meure;
Assiste, enseigne, guide, empoigne ton seruant,

Pour l’esleuer du monde en ta gloire celeste.
Afin que ce discord plus mon cœur ne moleste,
Ains de son bien les fruits il aille receuant.

On peut cliquer sur certains mots pour voir les épithètes de Maurice de La Porte
 
 

Laisse moy mon Seigneur: non, ne me laisse pas,
Ains parle à mon esprit qui desire te suiure.
Non, ne me sonne mot; ains ta main me deliure,
Et iusques au tombeau guide tousiours mes pas.

Non, ne me guide point; ains m’empoigne en tes bras
Pour m’esleuer à toy, de la terre deliure.
Non, ne m’esleue point, car ie desire viure,
Et t’honnorer encor : differe mon trespas.

Non ne differe point; preuien moy de bonne heure.
Et soit que mort ie viue, ou que viuant ie meure;
Assiste, enseigne, guide, empoigne ton seruant,

Pour l’esleuer du monde en ta gloire celeste.
Afin que ce discord plus mon cœur ne moleste,
Ains de son bien les fruits il aille receuant.

 

En ligne le 27/12/19.
Dernière révision le 14/01/23.