textes de
Des­portes

»»»

«««

dispo­si­tion de la
recol­lec­tion
(vers 1-11 → 14)

»»»

Vos yeux, belle Diane, ont autant de puissance
Qu’vne harquebuze à rouë: et vos sourcils voûtés,
Ce sont deux arcs Turquois, qui rendent surmontés
Les cueurs qui pensent plus faire de resistance.

Vostre front c’est le marbre, où l’archer qui m’offence
Aiguise à mon malheur ses traits de tous costez:
Vostre chaste estomach, le seiour des beautez,
La prison, qui me garde en vostre obeissance.

Pour mieux me detenir, de vostre poil doré
Auez faict les liens dont ie suis enserré:
Puis vostre dur refus est mon dernier supplice.

Ainsi donc ie reçoy par la rigueur du sort,
Par la vostre, ma Dame, & pour vostre seruice,
Le feu, le fer, prison, les chaisnes, & la mort.

Son­net

→ texte
moder­nisé

pleine page

œuvres de
Des­portes
dispo­nibles
sur Gallica

télé­charger
le texte

En ligne le 04/08/21.
Dernière révision le 28/10/24.