«««

textes de
Blan­chon

»»»

«««

»»»

«««

»»»

Si ma plume pouuoit mon courage esgaller,
Iamais, Laure, Cassandre, Hippolite, Oriane
Corinne, Briseis, Artemis, Luciane,
N’ont veu si haultement leur memoire voller

Ny celle donc Lægipte encores veult parler,
Ny la Grecque aux beaux yeux, Lize, ou Æmiliane,
Pallas, Venus, Iunon & la chaste Diane,
Ayant voulu en toy leurs graces estaller.

Pallas te fist present de sa science infuse,
Venus de sa beauté, Iunon ne te reffuse,
Ses plus riches valleurs, & Diane à vestu,

Ton Corps de tout l’honneur heureusement en elle.
Si que ie te dirois des Graces la plus belle,
En scauoir, en beauté, en biens, & en vertu.

Son­net

→ texte
moder­nisé

pleine page

œuvres de
Blan­chon
dispo­nibles
sur Gallica

télé­charger
le texte

→ recol­lec­tion

→ vers
rappor­tés

En ligne le 17/02/17.
Dernière révision le 09/09/23.