«««

textes de
Ber­nier de La B.

»»»

«««

ana­phore
de « ô »
(vers 1-13)

«««

»»»

O Beau reth d’or, ô vouture albastrine,

O belle oreille, ô beaux yeux mes flambeaux,
O bruns sourcils, beaux arcs descoche-maux,
O ronde jouë, ô leure cinabrine,

O belle bouche excellente, & diuine,
O belles dents, diamants rare-beaux,
O nez traitif, ô petits monts jumeaux,
O belle gorge, ô neigeuse poictrine,

O col d’yuoire, ô menton fosselu,
O ventre court, grasset, & potelu,
O petit Antre amoureux, ô mains blanches,

O de Iunon les bras faicts pour cherir,
O ronds piliers, pieds de Thetys, ô hanches,
Que ie vous touche auant que de mourir.

Son­net

→ texte
moder­nisé

pleine page

œuvres de
Bernier de La B.
dispo­nibles
sur Gallica

télé­charger
le texte

En ligne le 10/10/20.
Dernière révision le 20/11/24.