Claude TURRIN (v. 1540-av. 1572)
Cet œil, cet or…
Le Préam­bule des
innom­brables
Les Œuvres poétiques,
Paris, Jean de Bordeaux, 1572.
ouvrir sur Gallica : Livre des Sonnets amoureux, Sonnet 34, f° 58r°.

CEst œil, cest or, ceste face lasciue,

  Fut l’espion le piege, & le chasseur,
Qui vint trahir, chasser, prendre mon cueur,
Mon cueur mes yeus, & mon ame chetiue,

Le cueur trompé, l’œil pris, l’ame captiue
D’vn feu, d’vn ris, d’vn visage menteur,
Pour me guider il faut que le moqueur,
Que les fillets, que la chasse ie suiue.

Mais quand lespoir, la feinte, & le debuoir,
D’vn bien, d’vn ris, & d’vn simple vouloir,
M’entretient trop, m’affolle & ne m’auance,

Pour rachpeter les yeus, l’ame, le cueur,
Ie veus quitter auecque l’esperance,
Cest espion, ce piege, & ce chasseur.

On peut cliquer sur certains mots pour voir les épithètes de Maurice de La Porte
 
 

CEſt œil, ceſt or, ceſte face laſciue,

  Fut l’eſpion le piege, & le chaſſeur,
Qui vint trahir, chaſſer, prendre mon cueur,
Mon cueur mes yeus, & mon ame chetiue,

Le cueur trompé, l’œil pris, l’ame captiue
D’vn feu, d’vn ris, d’vn viſage menteur,
Pour me guider il faut que le moqueur,
Que les fillets, que la chaſſe ie ſuiue.

Mais quand leſpoir, la feinte, & le debuoir,
D’vn bien, d’vn ris, & d’vn ſimple vouloir,
M’entretient trop, m’affolle & ne m’auance,

Pour rachepter les yeus, l’ame, le cueur,
Ie veus quitter auecque l’eſperance,
Ceſt eſpion, ce piege, & ce chaſſeur.

 

En ligne le 13/09/08.
Dernière révision le 25/02/24.