«««

textes de
Ron­sard

»»»

«««

»»»

Son chef est d’or, son front est vn tableau
Où ie voy peint le gaing de mon dommage,
Belle est sa main, qui me fait deuant l’age,
Changer de teint, de cheueulx, & de peau.

Belle est sa bouche, & son soleil iumeau,
De neige & feu s’embellit son visage,
Pour qui Iuppin reprendroyt le plumage,
Ore d’vn Cygne, or le poyl d’vn toreau.

Doulx est son ris, qui la Meduse mesme,
Endurciroyt en quelque roche blesme,
Vangeant d’vn coup cent mille cruaultez,

Mais tout ainsi que le Soleil efface
Les moindres feux: ainsi ma foy surpasse
Le plus parfaict de toutes ses beaultez.

Son­net

→ texte
moder­nisé

pleine page

œuvres de
Ron­sard
dispo­nibles
sur Gallica

télé­charger
le texte

com­men­taires
de Muret (1553)

variantes

En ligne le 16/10/13.
Dernière révision le 23/01/22.