«««

textes de
Las­phrise

»»»

«««

»»»

COmposition belle, hé ! que tu es loüable,

Chacun, mesme la nuict, desire ton accord,
Bien que ton pertuis soit aucunesfois bien ord,
Ta vertu neantmoins est plaisamment aimable.

Non, non ; que dy-ie ? elle est entre toute admirable,
Tu peux maugré l’orgueil de la fille de mort
Faire paroistre vn droict, faire paroistre vn tort,
Mais le droict non rompu est le plus desirable.

O plaisante fureur, courriere du repos,
Commode au genre humain mesme dessus les flots,
Mais qui obiecte vn peu fuyr ta compagnie,

C’est la laide vapeur du feu non bluettant:
Car ordinairement quand ta flame est finie,
Rien ne sert de boucher ton chaud trou dégoutant.

Son­net

→ texte
moder­nisé

pleine page

œuvres de
Las­phrise
dispo­nibles
sur Gallica

télé­charger
le texte

En ligne le 20/06/20.
Dernière révision le 05/05/22.