«««

textes de
La Jessée

»»»

«««

»»»

Hevrevx qui void ma gentille Maistresse,
Ces yeus diuins, ce blond poil crespelu !
Et ce haut front des Graces mesme eslu
Pour vn miroir d’amour, & d’alegresse !

Heureux qui void sa leure charmeresse,
Lors qu’elle rid : ce menton fosselu,
Ce double Yuoire en rondeur pommelu,
Ce port Royal, & son humble caresse.

Heureux qui void sa charnure, & sa peau :
Peau, non ! ains Iaspe & delicat, & beau,
Qui iouë, & mains, grassettement decore.

Mais plus heureux l’Espous cent fois sera
Qui ieune, & gay, la Nymphe embrassera
Que le Ciel ayme, & que la Terre adore.

Son­net

→ texte
moder­nisé

pleine page

œuvres de
La Jessée
dispo­nibles
sur Gallica

télé­charger
le texte

En ligne le 04/12/11.
Dernière révision le 05/12/21.