Clovis HESTEAU (?-?)
Œil bel œil, ornement…
Paris, Abel L’Angelier, 1578.

Oeil bel œil, ornement des hommes & des dieux,
Oeil qui ciel, terre, & mer, d’vn seul clin illumine:
Oeil duquel ce grand œil qui luit par la machine,
Emprunte chacun iour ses beaux feus radieux,

Oeil qui peux rendre clairs les enfers tenebreux,
Oeil sous qui nuict & iour par l’obscur ie chemine,
Oeil qui peux asseruir toute grandeur diuine,
Par l’esclair enchanté d’vn rayon gracieux:

Oeil bel œil qui bruslez & nourrissez mon ame,
Oeil bel œil qui dardez mainte amoureuse flame:
Au plus profond de moy esgarant ma raison,

Si vous m’auez blessé seruez moy d’vn Achille,
Si estes mon venin d’vn scorpion vtile,
Faisant naistre en mon mal ma propre guarison.

On peut cliquer sur certains mots pour voir les épithètes de Maurice de La Porte
 
 

Oeil bel œil, ornement des hommes & des dieux,
Oeil qui ciel, terre, & mer, d’vn seul clin illumine:
Oeil duquel ce grand œil qui luit par la machine,
Emprunte chacun iour ses beaux feus radieux,

Oeil qui peux rendre clairs les enfers tenebreux,
Oeil sous qui nuict & iour par l’obscur ie chemine,
Oeil qui peux asseruir toute grandeur diuine,
Par l’esclair enchanté d’vn rayon gracieux:

Oeil bel œil qui bruslez & nourrissez mon ame,
Oeil bel œil qui dardez mainte amoureuse flame:
Au plus profond de moy esgarant ma raison,

Si vous m’auez blessé seruez moy d’vn Achille,
Si estes mon venin d’vn scorpion vtile,
Faisant naistre en mon mal ma propre guarison.

 

En ligne le 31/01/18.
Dernière révision le 05/12/20.