«««

textes de
Cl. Gar­nier

»»»

Par le milieu d’vn pertuy quelquesfois
On voit grand’ choze, vn fleuue, vne riuiere,
Vn tertre, vn mont, vne campagne entiere,
Vne foraît, des chateaus & des bois.

En tes beaus yeus, tout de méme, ie vois
Choze bien grande, en tes yeus (ma guerriere)
Dont la splandeur & la viue lumiere
Paissent mon cœur de cent biens à la fois.

I’y voy les Cieus & toutes leurs essances,
I’y voy les Dieus & toutes leurs puissances,
I’y voy la grace & i’y voy la beauté :

I’y voy des Cams herissez de gens-darmes,
Bref, en tes yeus qui me font tant d’alarmes,
I’y voy le monde & son infinité.

Son­net

→ texte
moder­nisé

pleine page

œuvres de
Cl. Gar­nier
dispo­nibles
sur Gallica

En ligne le 30/03/14.
Dernière révision le 15/10/22.