Amour
en mesme instant m’aguillonne & m’arreste,
M’assure & me fait
peur,
m’ard & me va glassant,
Me pourchasse & me fuit, me rend foible & puissant,
Me fait victorieux, & marche sur ma
teste.
Ores bas, ores haut, iouët de la
tempeste,
Il va comme il luy plaist ma
nauire
elançant:
Ie pense estre eschappé quand ie suis perissant,
Et quand i’ay tout perdu ie chante ma
conqueste.
De ce qui plus me plaist ie
reçoy desplaisir:
Voulant trouuer mon cueur,
i’egare mon desir:
I’adore vne
beauté
qui m’est toute contraire.
Ie m’empestre aux
filés
dont ie me veux garder:
Et voyant en mon mal
ce qui me peut aider,
Las! ie l’approuue assez, mais ie ne le puis faire.
Amour
en meſme inſtant m’aguillonne
& m’arreſte,
M’aſſure
& me fait peur, m’ard
& me va glaßãt,
Me pourchaſſe & me fuit,
me rẽd foible & puiſſant,
Me fait victorieux,
& marche ſur ma
teſte.
Ores bas,
ores haut, iouët
de la tempeſte,
Il va comme il luy plaiſt ma
nauire
elançant:
Ie penſe eſtre eſchappé quand ie ſuis
periſſant,
Et quand i’ay
tout perdu ie chante ma
conqueſte.
De ce qui plus me plaiſt ie
reçoy deſplaiſir:
Voulant trouuer mon cueur,
i’egare mon
deſir:
I’adore vne
beauté
qui m’eſt toute
contraire.
Ie m’empeſtre
aux filés
dont ie me veux garder:
Et voyant en mon mal
ce qui me peut aider,
Las! ie l’approuue
aſſez, mais ie ne le puis
faire.
En ligne le
29/04/06.
Dernière révision le 19/04/26.