Salomon CERTON (1552-v. 1620)
Je te veux entonner…
Le Préam­bule des
innom­brables
Vers lipogrammes et autres œuvres en poésie,
Sedan, Jean Jannon, 1620.
ouvrir sur Gallica : Lipogrammes, Premier Alphabet, « Veille d’une nuit », p. 14.

G

IE te veux entonner d’vne façon nouuelle
Mon doux Bourdon de nuict, dous tyran de mon cœur :
Ie te veux ceste nuict rendre braue vainqueur
Du charme ensorceleur d’vne libre ceruelle.

Sa force vienne auant qu’elle espanche cruelle
Cent pauots sur mes yeux, ny leur morne liqueur,
Ny ses pipeurs efforts ne te vaincront, moqueur,
De son pouuoir charmeur d’vne foible femelle.

Passons donc ceste nuict, Bourdon, ioyeusement.
Passons-la sans dormir, & veillons brauement,
Vainquons de ces pauots la puissance endormeuse

Mais, Bourdon mon amy, seulement ceste nuict,
Car d’aller plus auant outre que cela nuit,
On en remporte en fin repentance fascheuse.

On peut cliquer sur certains mots pour voir les épithètes de Maurice de La Porte
 
 

G

IE te veux entonner d’vne façon nouuelle
Mon doux Bourdõ de nuict, dous tyrã de mõ cœur :
Ie te veux ceſte nuict rendre braue vainqueur
Du charme enſorceleur d’vne libre ceruelle.

Sa force vienne auant qu’elle eſpanche cruelle
Cent pauots ſur mes yeux, ny leur morne liqueur,
Ny ſes pipeurs efforts ne te vaincront, moqueur,
De ſon pouuoir charmeur d’vne foible femelle.

Paſſons donc ceſte nuict, Bourdon, ioyeuſement.
Paſſons-la ſans dormir, & veillons brauement,
Vainquons de ces pauots la puiſſance endormeuſe

Mais, Bourdon mon amy, ſeulement ceſte nuict,
Car d’aller plus auant outre que cela nuit,
On en remporte en fin repentance faſcheuſe.

«««  lipogramme en G  »»»
 

En ligne le 14/12/13.
Dernière révision le 24/08/24.