Jean de SPONDE (1557-1595)
Tout s’enfle contre moi…

Tout s’enfle contre moy, tout m’assaut, tout me tente,
Et le Monde, & la Chair, & l’Ange reuolté,
Dont l’onde, dont l’effort, dont le charme inuenté,
Et m’abysme, Seigneur, & m’esbranle, & m’enchante,

Quelle nef, quel appuy, quelle oreille dormante,
Sans peril, sans tomber, & sans estre enchanté,
Me donras-tu? Ton Temple ou vit ta Saincteté,
Ton inuincible main, & ta voix si constante.

Et quoy? mon Dieu, ie sens combattre maintesfois
Encore auec ton Temple, & ta main, & ta voix,
Cest Ange reuolté, ceste chair, & ce Monde.

Mais ton Temple pourtant, ta main, ta voix sera
La nef, l’appuy, l’oreille, ou ce charme perdra,
Ou mourra cest effort, ou se rompra ceste Onde.

On peut cliquer sur certains mots pour voir les épithètes de Maurice de La Porte
 
 

Tout s’enfle contre moy, tout m’assaut, tout me tente,
Et le Monde, & la Chair, & l’Ange reuolté,
Dont l’onde, dont l’effort, dont le charme inuenté,
Et m’abysme, Seigneur, & m’esbranle, & m’enchante,

Quelle nef, quel appuy, quelle oreille dormante,
Sans peril, sans tomber, & sans estre enchanté,
Me donras-tu? Ton Temple ou vit ta Saincteté,
Ton inuincible main, & ta voix si constante.

Et quoy? mon Dieu, ie sens combattre maintesfois
Encore auec ton Temple, & ta main, & ta voix,
Cest Ange reuolté, ceste chair, & ce Monde.

Mais ton Temple pourtant, ta main, ta voix sera
La nef, l’appuy, l’oreille, ou ce charme perdra,
Ou mourra cest effort, ou se rompra ceste Onde.

 

En ligne le 27/04/10.
Dernière révision le 12/05/19.