«««

textes de
La Jessée

»»»

«««

»»»

Ingratte Dame, & bien ingratissime,
Osant ainsi ton serf abandonner !
Osant ainsi mes trauaus guerdonner,
Ton rude ioug de mal en pis m’opprime.

Las ! est-ce moy qui mesprise, ou deprime,
Tes grand’z beautez, qu’il faille m’estonner
Par tant d’assautz : & mesme blasonner
Mes cris, ma foy, comme vn horrible crime ?

Ie suis traitté comme vn lache Apostat !
Et ne croy point que mon dueil inuitat
A s’esiouyr, vn pleurard Heraclite.

Plustot helas ! ie puis bien asseurer
Que mes langueurs feroyent mesme pleurer
A longz sanglotz, vn riard Democrite.

Son­net

→ texte
moder­nisé

pleine page

œuvres de
La Jessée
dispo­nibles
sur Gallica

télé­charger
le texte

En ligne le 17/07/17.
Dernière révision le 05/07/22.