Pierre de RONSARD (1524-1585)
Que Gâtine ait… (1552)
Paris, veuve Maurice de La Porte, 1552, p. 91 [←Gallica].

Que Gastine ait tout le chef iaunissant
De maint citron & mainte belle orenge,
Que toute odeur de toute terre estrange,
Aille par tout noz plaines remplissant.

Le Loyr soit laict, son rempart verdissant,
En vn tapis d’esmeraudes se change,
Et le sablon, qui dans Braye se range,
D’arenes d’or soit par tout blondissant.

Pleuue le ciel des parfumz & des roses,
Soyent des grand ventz les aleines encloses,
La mer soit calme, & l’air plein de bon heur:

Voici le iour, que l’enfant de mon maistre,
Naissant au monde, au monde a fait renaistre,
La foy premiere, & le premier honneur.

Que Gâtine ait… (1553)
Paris, veuve Maurice de La Porte, 1553, p. 226 [←Gallica].

QVe Gâtine ait tout le chef iaunissant
De maint citron & mainte belle orenge,
Que toute odeur de toute terre étrange,
Aille par tout nos plaines remplissant.

Le Loir soit lait, son rampart verdissant,
En vn tapis d’esmeraudes se change,
Et le sablon, qui dans Braie se range,
D’arenes d’or soit par tout blondissant.

Pleuue le ciel des parfums & des roses,
Soient des grans vens les aleines encloses,
La mer soit calme, & l’ær plein de bon heur:

Voici le iour, que l’enfant de mon maitre,
Naissant au monde, au monde a fait renaitre,
La foi premiere, & le premier honneur.

























Que Gâtine ait… (1553)
Paris, veuve Maurice de La Porte, 1553, p. 226 [←Gallica].

QVe Gâtine ait tout le chef iaunissant
De maint citron & mainte belle orenge,
Que toute odeur de toute terre étrange,
Aille par tout nos plaines remplissant.

Le Loir soit lait, son rampart verdissant,
En vn tapis d’esmeraudes se change,
Et le sablon, qui dans Braie se range,
D’arenes d’or soit par tout blondissant.

Pleuue le ciel des parfums & des roses,
Soient des grans vens les aleines encloses,
La mer soit calme, & l’ær plein de bon heur:

Voici le iour, que l’enfant de mon maitre,
Naissant au monde, au monde a fait renaitre,
La foi premiere, & le premier honneur.

Que Gâtine ait… (1578)
Paris, Gabriel Buon, 1578, pp. 642-643 [←Gallica].

QVe Gastine ait tout le chef iaunissant
De maint citron & mainte belle orange:
Que toute odeur de toute terre estrange,
Aille par tout noz vergers remplissant:

Le Loir soit laict, son rempart verdissant
En vn tapis d’esmeraudes se change:
Et le sablon, qui dans Braye se range,
D’arenes d’or soit par tout blondissant.

Pluue le Ciel des parfums & des roses,
Soient des grands vents les haleines encloses,
La mer soit calme, & l’air plein de bon-heur:

Ce iour nasquit l’heritier de mon maistre.
File-luy, Parque, vn beau filet d’honneur,
Puis aille au Ciel de Nectar se repaistre.

























textes originaux
[R]

 

En ligne le 08/03/14.
Dernière révision le 08/03/19.