Pierre de RONSARD (1524-1585)
Être indigent… (1552)
Paris, veuve Maurice de La Porte, 1552, p. 42 [←Gallica].

Estre indigent, & donner tout le sien,
Se feindre vn ris, auoir le cuœur en pleinte,
Hayr le vray, aymer la chose feinte,
Posseder tout & ne iouir de rien.

Estre deliure, & traisner son lien,
Estre vaillant, & couharder de crainte,
Vouloir mourir, & viure par contraincte,
De cent trauaulx ne receuoir vn bien.

Auoir tousiours pour vn seruil hommage,
La honte au front, en la main le dommage:
A ses pensers d’vn courage haultain

Ourdir sans cesse vne nouuelle trame,
Sont les effetz qui logent dans mon ame,
L’espoir doubteux, & le tourment certain.

Être indigent… (1553)
Paris, veuve Maurice de La Porte, 1553, pp. 101-102 [←Gallica].

EStre indigent, & donner tout le sien,
Se feindre vn ris, auoir le cuœur en pleinte,
Haïr le vrai, aimer la chose feinte,
Posseder tout & ne iouir de rien.

Estre deliure, & trainer son lien,
Estre vaillant, & couharder de crainte,
Vouloir mourir, & viure par contrainte,
De cent trauaus ne receuoir vn bien:

Auoir touiours pour vn seruil hommage,
La honte au front, en la main le dommage:
A ses pensers d’vn courage hautain

Ourdir sans cesse vne nouuelle trame,
Sont les effets qui logent dans mon ame,
L’espoir douteus, & le tourment certain.

Être indigent… (1578)
Paris, Gabriel Buon, 1578, p. 120 [←Gallica].

EStre indigent, & donner tout le sien,
Se feindre vn ris, auoir le cœur en pleinte,
Hair le vray, aimer la chose feinte,
Posseder tout, & ne iouir de rien:

Estre deliure, & trainer son lien,
Estre vaillant, & couharder de crainte,
Vouloir mourir, & viure par contrainte,
Et sans loyer despendre tout son bien:

Auoir tousiours pour vn seruil hommage
La honte au front, en la main le dommage:
A mes pensers d’vn courage hautain

Ourdir sans cesse vne nouuelle trame,
Sont les effets qui logent en mon ame,
L’espoir douteux, & le tourment certain.

























Être indigent… (1553)
Paris, veuve Maurice de La Porte, 1553, pp. 101-102 [←Gallica].

EStre indigent, & donner tout le sien,
Se feindre vn ris, auoir le cuœur en pleinte,
Haïr le vrai, aimer la chose feinte,
Posseder tout & ne iouir de rien.

Estre deliure, & trainer son lien,
Estre vaillant, & couharder de crainte,
Vouloir mourir, & viure par contrainte,
De cent trauaus ne receuoir vn bien:

Auoir touiours pour vn seruil hommage,
La honte au front, en la main le dommage:
A ses pensers d’vn courage hautain

Ourdir sans cesse vne nouuelle trame,
Sont les effets qui logent dans mon ame,
L’espoir douteus, & le tourment certain.

Être indigent… (1578)
Paris, Gabriel Buon, 1578, p. 120 [←Gallica].

EStre indigent, & donner tout le sien,
Se feindre vn ris, auoir le cœur en pleinte,
Hair le vray, aimer la chose feinte,
Posseder tout, & ne iouir de rien:

Estre deliure, & trainer son lien,
Estre vaillant, & couharder de crainte,
Vouloir mourir, & viure par contrainte,
Et sans loyer despendre tout son bien:

Auoir tousiours pour vn seruil hommage
La honte au front, en la main le dommage:
A mes pensers d’vn courage hautain

Ourdir sans cesse vne nouuelle trame,
Sont les effets qui logent en mon ame,
L’espoir douteux, & le tourment certain.

Être indigent… (1584)
Paris, Gabriel Buon, 1584, p. 45 [←Gallica].

EStre indigent & donner tout le sien,

Se feindre vn ris, auoir le cœur en pleinte,
Haïr le vray, aimer la chose feinte,
Posseder tout & ne iouir de rien:

Estre deliure & trainer son lien,
Estre vaillant & couarder de crainte,
Vouloir mourir & viure par contrainte,
Et sans profit despendre tout son bien:

Auoir tousiours pour vn seruil hommage
La honte au front, en la main le dommage:
A ses pensers d’vn courage hautain

Ourdir sans cesse vne nouuelle trame,
Sont les effets qui logent en mon ame
L’espoir douteux & le tourment certain.

























textes originaux
[R]

 

En ligne le 21/03/17.
Dernière révision le 07/04/18.