Pierre de RONSARD (1524-1585)
Paris, veuve Maurice de La Porte, 1552, p. 83 [←Gallica].

Son chef est d’or, son front est vn tableau
Où ie voy peint le gaing de mon dommage,
Belle est sa main, qui me fait deuant l’age,
Changer de teint, de cheueulx, & de peau.

Belle est sa bouche, & son soleil iumeau,
De neige & feu s’embellit son visage,
Pour qui Iuppin reprendroyt le plumage,
Ore d’vn Cygne, or le poyl d’vn toreau.

Doulx est son ris, qui la Meduse mesme,
Endurciroyt en quelque roche blesme,
Vangeant d’vn coup cent mille cruaultez,

Mais tout ainsi que le Soleil efface
Les moindres feux: ainsi ma foy surpasse
Le plus parfaict de toutes ses beaultez.

























Paris, veuve Maurice de La Porte, 1553, p. 213 [←Gallica].

SOn chef est d’or, son front est vn tableau
Où ie voi peint le gain de mon dommage,
Belle est sa main, qui me fait deuant l’age,
Changer de teint, de cheueus, & de peau.

Belle est sa bouche, & son soleil iumeau,
De neige & feu s’embellit son visage,
Pour qui Iuppin reprendroit le plumage,
Ore d’vn Cyne, or le poil d’vn Toreau.

Dous est son ris, qui la Meduse mesme,
Endurciroit en quelque roche blesme,
Vangeant d’vn coup cent mile cruautés,

Mais tout ainsi que le Soleil efface
Les moindres feus: ainsi ma foi surpasse
Le plus parfait de toutes ses beautés.

























textes originaux
[R]

 

En ligne le 17/10/13.
Dernière révision le 09/10/19.