«««

textes de
Du Pré

»»»

«««

Mais quoy? las il vous fault au Tombeau trebuscher,
Que la mort vous depouille, & vous rende sechee,
Et vous laisse une image en la terre couchee
Pour y faire pourrir les lambeaux de la chair.

Ceste masse de corps doit perir & bruncher,
Le sang, les nerfs, les os, la poitrine fourchee
Sont funestes repas d’une tombe ionchee
De bras, de piez, de mains qui s’y doyuent secher.

Le vostre s’y en va, pour se fondre & rezoudre
D’vne chair qu’il estoit & de veines, en poudre:
Et cela toutesfois ne vous doit estonner.

Car il estoit de terre, & sans nulle figure:
Le Compozé dissout selon toute nature,
En la chose qu’il fut il y doit retourner.

Son­net

→ texte
moder­nisé

pleine page

œuvres de
Du Pré
dispo­nibles
sur Gallica

En ligne le 03/02/09.
Dernière révision le 01/09/21.