_______________________________

O belle main, qui me destrains le cœur, Et qui ma vie enclos dans peu d’espace: Main ou nature & la divine grace Ont du tout mis leur estude & vigueur,     O propres doigts à me tenir rigueur, Ou d’Orient cinq perles ont prins place: Amour consent qu’ore riche me face A vous voir nudz pour croistre ma langueur.     Car ce gant ci, qui rozes & yvoire Couvroit en vous, le faut-il rendre? voire. Mais qui veit onc si gentil gant porter?     Eusse je ainsi de son beau voil autant. O le vain veu! c’est larrecin pourtant, Aussi voylà qui le me vient oster.