_______________________________

Qui vouldra voir tout ce que peult Nature, Contempler vienne une qui en tous lieux Est ung soleil, ung soleil à mes yeulx, Voire aux ruraulx, qui de vertu n’ont cure.     Et vienne tost, car mort prent (tant est dure) Premier les bons, laissant les vicieux, Puis ceste cy s’en va du reng des dieux: Chose mortelle & belle bien peu dure.     S’il vient à temps verra toute beaulte, Toute vertu, & meurs de royaulte, Joinctz en ung corps, par merveilleux secret:     Alors dira que muette est ma ryme, Et que clarte trop grande me supprime, Mais si trop tarde aura tousjours regret.